 for web4.jpg)
 for web3a.jpg)
2023-05-05 05:13:11
၆.၅.၂၀၂၃ - ပါစကားကာလ စတုတ္ထအပတ် စနေနေ့
ရှင်ယောဟန် ၁၄:၇- ၁၄
Reflection by Rev. Fr. Dominic Vuong, CSSR
Posted by Sr. Benedetta Myat Hnin Nwe(ISR)
သင်တို့သည်ငါ့ကိုသိကြပါလျှင် ငါ၏ ခမည်းတော်ကိုလည်းသိကြလိမ့်မည်။ယခုမှစ၍ သင်တို့သည်ငါ၏ ခမည်းတော်ကိုသိကြ၍ ဖူးမြင်ကြရလေပြီဟုသူ့အားမိန့်တော်မူ၏။ဖိလိပုကလည်း သခင်ဘုရား၊ခမည်းတော်ကိုတပည့်တော်တို့အားပြတော်မူပါလျှင် တပည့်တော်တို့စိတ်ကျေနပ်ကြပါလိမ့်မည်ဟုကိုယ်တော်အားလျှောက်လေ၏။ယေဇူးကသူ့အားမိန့်တော်မူသည်မှာ ဖိလိပုငါသည်သင်တို့နှင့်အတူဤမျှကြာအောင်နေခဲ့ပါသော်လည်း သင်သည်ငါ့ကိုမသိသလော။ငါ့ကိုမြင်ရသောသူသည်ခမည်းတော်ကိုလည်းဖူးမြင်ရ၏။အဘယ်ကြောင့် သင်သည်ခမည်းတော်ကိုတပည့်တော်တို့အားပြပါဟုဆိုရသနည်း။ငါသည် ခမည်းတော်၌တည်ရှိ၍ ခမည်းတော်သည်လည်းငါ၌တည်ရှိကြောင်းကိုသင်မယုံကြည်သလော။သင်တို့အား ငါပြောသောစကားများကိုငါသည် ငါ၏အခွင့်အာဏာဖြင့်ပြောသည်မဟုတ်။ငါ၌တည်ရှိတော်မူသောခမည်းတော်သည်မိမိ၏အမှုတော်များကိုဆောင်ရွက်ခြင်းသာဖြစ်၏။ငါသည်ခမည်းတော်၌တည်ရှိ၍ခမည်းတော်သည်လည်းငါ၌တည်ရှိသည်ကိုယုံကြည်ကြလော့။ဤသို့မဟုတ်လျှင်လည်း ငါပြုသောအမှုအရာများကိုထောက်၍ငါ့ကိုယုံကြည်ကြလော့။သင်တို့အား ငါဧကန်အမှန်ဆိုသည်ကား ငါ့ကိုယုံကြည်သောသူသည်ငါပြုသောအမှုအရာများကိုလည်းပြုလိမ့်မည်။သူသည် ယင်းထက်ကြီးမြတ်သောအမှုအရာများကိုလည်းပြုလိမ့်မည်။အ ကြောင်းမူကား ငါသည်ခမည်းတော်ထံသို့သွားမည်ဖြစ်သောကြောင့်တည်း။သားတော်အားဖြင့်ခမည်းတော်၏ဘုန်းတော်ထင်ရှားစေရန်ငါ၏နာမတော်၌သင်တို့တောင်းလျှောက်သမျှကိုငါပြုမည်။သင်တို့သည်ငါ၏နာမကိုအမှီပြု၍တစ်စုံတစ်ရာကိုတောင်းလျှောက်လျှင် ငါသည်ထိုအရာကိုပြုမည်။*ထောက်ရှုချက်*ဤယန့အသက်ပေးသောနှုတ်ကပတ်တော်သည် ကျွန်ုပ်တို့ကိုထောက်ရှုစေလိုသည်မှာယေဇူးဘုရား၏သွန်သင်ချက်အတိုင်းနေ့စဥ်ကျင့်ကြံနေထိုင်ရန်တိုက်တွန်းထားပါသည်။ပထမကျမ်းတွင် ဧဝံဂေလိတရားတော်ကိုနက်ရှိုင်းစွာထောက်ရှုရန်အတွက်ဖိတ်ခေါ်ထားသည်။ယုံကြည်သူအချို့တို့သည် မိမိကိုယ်ကိုဘုရားသခင်ရွေးကောက်ထားသောသူများဟူယူဆကြသည်။သို့သော်ဘဝခရီးရှည်ပြုနေချိန်တွင်တို့ယုံကြည်သူများသည် ဘုရားသခင်၏ နှုတ်ကပတ်တော်သွန်သင်ချက်များကိုလျစ်လျူရှုခဲ့ကြသည်။ဘုရားသခင်ကို ညင်းပယ်ခဲ့ကြသည်။ရှင်ပေါလုသည်ဂျူးလူမျိုးတို့အားရဲ့ဝံ့စွာပြောဆိုသည်မှာဘုရားသခင်၏နှုတ်ကပတ်တော်ကိုသင်တို့အားရှေ့ဦးစွာဟောပြောရန်လိုအပ်ပေ၏။သို့သော်သင်တို့ညင်းပယ်ကြသဖြင့်သင်တို့ကိုယ်ကိုထာဝရအသက်နှင့်မထိုက်တန်ဟုသင်တို့ကိုယ်တိုင်စီရင်ဆုံးဖြတ်ကြသောကြောင့်ငါတို့သည်လူမျိုးဘာသာခြားဆီသို့လှည့်လည်ကြတော့မည်ဟုမိန့်တော်မူ၏။ထာဝရအသက်ရရှိရန်ရွေးကောက်ခြင်းခံရသောသူတို့သည် ကျးဇူးတော်ကိုမဖြုန်းတီးမိစေရန်ကြိုးစားအားထုတ်ကြရမည်။ကျွန်ုပ်တို့သည် ဆုတောင်းမေတ္တာအားဖြင့်လည်းကောင်း၊နှုတ်တော်ထွက်စကားအားဖြင့်လည်းကောင်း၊မစ္ဆားတရားနာယူခြင်းအားဖြင့်လည်းကောင်း၊အခွင့်အရေးများစွာဖြင့်ဘုရားသခင်နှင့်နီးစပ်နိုင်သူများ ဖြစ်ကြသည််။ထို့ကြောင့် ကျွန်ုပ်တို့သည် ဂျူးလူမျိုးများကဲ့သို့ တရားနာလိုသူစိတ်ရှိသူများတို့ကို မနာလိုစိတ်ဖြစ်နေသူများ မဖြစ်စေရန်သတိထားရမည်ဖြစ်သည်။ သူတို့သည်ဘုရားသခင်ထံမှလာသောကောင်းကြီးမင်္ဂလာလက်ခံရန်မတတ်နိုင်ကြပေ။နှုတ်တော်ထွက်စကားကိုကြားနာပြီးဝမ်းမြောက်ရွှင်လန်းစွာကျင့်ကြံရန်တိုက်တွန်းထားပါသည်။ခွန်အားယူကြပါစို့။
