 for web4.jpg)
 for web3a.jpg)
2023-05-08 06:28:20
၉.၅.၂၀၂၃ - ပါစကားကာလ ပဥ္စမအပတ်အင်္ဂါနေ့
ရှင်ယောဟန် ၁၄:၂၇ -၃၁
Reflection by Rev. Fr. Dominic Vuong, CSSR
Posted by Sr. Benedetta Myat Hnin Nwe(ISR)
ငြိမ်းချမ်းသာယာခြင်းကို သင်တို့၌ငါထားခဲ့၏။ငါ၏ ငြိမ်းချမ်းသာယာခြင်းကို သင်တို့အားငါပေး၏။ဤလောကကပေးသကဲ့သို့သင်တို့အား ငါပေးသည်မဟုတ်။သင်တို့၏ စိတ်နှလုံး၌ပူပန်ခြင်းမရှိစေကြနှင့်။ကြောက်ရွံ့ခြင်းလည်းမရှိကြနှင့်။ငါသည်သွား၍ သင်တို့ထံသို့တစ်ဖန်ပြန်လာမည်ဟုငါဆိုသည် ကိုသင်တို့ကြားခဲ့ကြ၏။ သင်တို့သည် ငါ့ကိုချစ်လျှင် ဝမ်းမြောက်ကြလိမ့်မည်။အဘယ်ကြောင့်ဆိုသော်ငါသည်ခမည်းတော်ထံသို့ သွားခြင်းဖြစ်၏။အကြောင်းမူကားခမည်းတော်သည် ငါ့ထက်ကြီးမြတ်တော်မူ၏။ဤအမှုအရာဖြစ်ပျက်သောအခါ၌ သင်တို့ယုံကြည်နိုင်ကြစေရန်မဖြစ်ပျက်မီကကြိုတင်၍သင်တို့အားယခုငါပြောထားလေပြီ။ငါသည်သင်တို့နှင့်အတူစကားများစွာပြောဆိုနိုင်တော့မည်မဟုတ်။အကြောင်းမူကားဤလောကကိုအစိုးရသောသူသည် ကြွလာတော့မည်။သူသည် ငါ့အပေါ်၌ ဩဇာအာဏာမရှိချေ။သို့ရာတွင် ငါသည်ခမည်းတော်ကိုချစ်ကြောင်းဤလောကသားတို့ကိုသိစေရန်ငါ့အားခမည်းတော်မိန့်တော်မူသည့်အတိုင်းငါပြု၏။ထကြေလော့။ဤအရပ်မှသွားကြကုန်စို့ဟုမိန့်တော်မူ၏။*ထောက်ရှုချက်*ယေဇူးသည်သူချစ်သောသူနှင့်အတူစည်းလုံးညီညွတ်စွာနေထိုင်ရန်အတွက်စံပြပုဂ္ဂိုလ်ဖြစ်သည်။ယနေ့ဧဝံဂေလိတရားတွင်သခင်ယေဇူးသည်မိမိကိုယ်ကိုမိမိမည်သို့ဖော်ပြသနည်း။တရားတော်၌ ယေဇူးသည် ခမည်းတော်နှင့်ဆက်ဆံရေးတွင်“အဘသည် သားထက်ကြီးမြတ်သည်”ဟုဝန်ခံခဲ့သည်။ ခမည်းတော်၏အလိုတော်ကို လွတ်လပါစွာ လိုလိုလားလား ဆောင်ရွက်သူဖြစ်၏။ကိုယ်တော်သည် ငြိမ်းချမ်းစွာဖြင့်ခမည်းတော်၏လုပ်ငန်းတော်ကို စီမံခန့်ခွဲနိုင်ပြီး ငြိမ်သက်ခြင်းကိုဖြန့်ဝေနိုင်ခဲ့သည်။ကျွန်ုပ်တို့တခါတရံ မိမိတို့အကြီးအကဲကိုမနာလိုဖြစ်တတ်သည်။ကိုယ့်ထက်သက်ကြီူသူများ၊အကြီးအကဲများ၊အခွင့်အရေးသာသူများ၊သူငယ်ချင်းများကိုယ့်ထက်မျက်နှာသာရရှိခဲ့သော် စိတ်မပျော်ဖြစ်တတ်သည်။၎င်းအပြင်မိမိမလိုလားမနှစ်သက်သောအရာခိုင်းလျှင်မနာလိုခြင်း၊အမျက်ဒေါသထွက်တတ်သည်။ကျွန်ုပ်တို့စိတ်ထဲတွင်ငြိမ်သက်စွာဖြင့်အကြီးအကဲချမှတ်သောဘုရား၏လုပ်ငန်းတော်ကိုကျွန်ုပ်တို့စိတ်ပါလက်ပါမည်ကဲ့သို့ လုပ်ဆောင်နိုင်သနည်း။စံပြပုဂ္ဂိုလ်သခင်ယေဇူးကဲ့သို့ဘုရား၏အလိုတော်ကိုရင်ထဲ၊နှလုံးသားထဲမှနေ၍မိမိ၏စိတ်ကိုနှစ်ကာလုပ်ဆောင်နိုင်မည်ဖြစ်သည်။ဘုရားအတွက်သာမကမိမိနှင့်နီးစပ်သောသူများကိုလည်းအစေခံနိုင်မည်ဖြစ်သည်။
