 for web4.jpg)
 for web3a.jpg)
2023-05-09 09:58:09
၁၀.၅.၂၀၂၃ - ပါစကားကာလ ပဥ္စမအပတ် ဗုဒ္ဓဟူးနေ့
ရှင်ယောဟန် ၁၅:၁-၈
Reflection by Rev. Fr. Dominic Vuong, CSSR
Posted by Sr. Benedetta Myat Hnin Nwe(ISR)
ယေဇူးကငါသည်စစ်မှန်သောစပျစ်နွယ်ပင်ဖြစ်၍ငါ၏ခမည်းတော်သည်စပျစ်ဥယျာဉ်မှူးဖြစ်တော်မူ၏။ကိုယ်တော်သည်ငါ၌အသီးမသီးသောအကိုင်းအခက်ဟူသမျှတို့ကိုဖြတ်တောက်ပစ်၍ အသီးသီးသောအကိုင်းအခက်ဟူသမျှတို့ကိုမူကားပို၍သီးစေရန် ရှင်းလင်းပြုပြင်ပေးတော်မူလိမ့်မည်။သင်တို့သည်လည်းသင်တို့အားငါဟောပြောပြောခဲ့သောစကားအားဖြင့်ရှင်းလင်းပြုပြင်ခြင်းခံခဲ့ကြရပြီးဖြစ်၏။ငါ၌တည်နေကြလော့။ငါသည်လည်းသင်တို့ ၌တည်နေမည်။စပျစ်ပင်၏အကိုင်းအခက်တို့သည်အပင်နှင့် တစ်ဆက်တည်းမတည်ရှိလျှင်မိမိတို့အလိုအလျောက် အသီးမသီးနိုင်သကဲ့သို့သင်တို့သည်လည်းငါ၌မတည်ရှိလျှင်အသီးမသီးနိုင်ကြ။ငါသည်စပျစ်နွယ်ပင်ဖြစ်၏။သင်တို့သည် အကိုင်းအခက်များဖြစ်ကြ၏။အကြင်သူသည်ငါ၌တည်၍ငါသည်လည်း သူ၌ တည်နေလျှင်သူသည်အသီးများစွာသီးလိမ့်မည်။အကြောင်းမူကားသင်တို့သည်ငါနှင့်ကင်းကွာလျှင်မည်သည့်အရာကိုမျှမတတ်နိုင်ကြ။အကြင်သူသည်ငါ၌မတည်ရှိလျှင်သူသည်အကိုင်းအခက်ကဲ့သို့လွှင့်ပစ်ခြင်းခံရ၍ညှိုးခြောက်သွားလိမ့်မည်။ထိုအခါလူတို့သည်ထိုအကိုင်းအခက်တို့ကိုစုသိမ်း၍ မီးထဲသို့ ပစ်ချပြီး ရှို့ကြလိမ့်မည်။သင်တို့သည်ငါ၌ တည်နေကြ၍ငါ၏ တရားတော်သည်လည်းသင်တို့၌တည်နေလျှင်သင်တို့အလိုရှိသောအရာမှန်သမျှကိုတောင်းလျှောက်ပါကထိုအရာကို သင်တို့အားပေးတော်မူလိမ့်မည်။သင်တို့သည်များစွာသောအသီးတို့ကို သီး၍ငါ၏တပည့်များဖြစ်ကြောင်းသက်သေပြခြင်းအားဖြင့်ငါ၏ ခမည်းတော်၏ဘုန်းဂုဏ်တော်သည်ထင်ရှားလေ၏။*ထောက်ရှုချက်*သခင်ယေဇူး၏တပည့်တော်ကြီးများသည်ကိုယ်တော်မိန့်တော်မူသောနှုတ်ကပတ်တော်နားလည်ကြသလော။ဝိညာဥ်ရေးနှင့်ဆိုင်သောအသီးများကိုသီးပြီး ကိုယ်တော်ပညတ်ထားသည့်အတိုင်း ကျင့်ကြံနေထိုင်ခြင်းဖြစ်သည်။သခင်ယေဇူးက“ငါ့၌ တည်နေကြလော့။ငါသည်လည်းသင်တို့နှင့်တည်နေမည်။”ကျွန်ုပ်တို့သခင်ယေဇူးနှင့်မတည်လျှင်ကောင်းသောဝိညာဥ်ရေးရာအသီးမသီးနိုင်ချေ။တနည်းအားဖြင့်ကျွန်ုပ်တို့၏ဘဝတွင်မကောင်းမှုများနှင့် ပြည့်ဝပြီးမကောင်းသောအသီးများကိုသီးလာစေမည်။ဤမကောင်းသောအသီးများတပါးသူကိုထိခိုက်ပြီးကျွန်ုပ်၏ခရစ္စတီယာန် ဘာသာဝင်များအတွက်အဓိပ္ပါယ်မရှိချေ။ကျွန်ုပ်တို့၏မကောင်းမှုများ သောအလေ့အထ၊အပြုအမူတို့ကို ဖြတ်တောက်ပစ်ရန်လိုအပ်ပါသည်။ဤကဲ့သို့ မကောင်းမှုများကိုဖြတ်တောက်ခြင်းဖြင့် ကျွန်ုပ်တို့သည်ကောင်းသောအသီးကိုသီးနိုင်ပေလိမ့်မည်။ ကောင်းသောအသီးဖြစ်သောပါရမီများကို ကျင့်ကြံခြင်းသည် ဘုရားသခင်နှစ်သက် စေသည်။ ကျွန်ုပ်တို့၏အတွင်းစိတ်သည်ပျော်ရွှင်ပြီး မိမိကိုယ်ကိုဂုဏ်ယူနိုင် လိမ့်မည်။ ဘုရားသခင်၏ပညတ်တော်များ၊ အဆိုအမိန့်များ ကိုအသင်းတော်မှ ကောင်းသောသင်ကြားပို့ချချက်များကိုနှလုံးသွင်းလိုက်နာကျင့်ကြံကြရပါမည်။ထို့ကြောင့်ဘုရားနှင့်လူသား၊မိမိနှင့် နီးစပ်သောသူများနှင့်ပေါင်းသင်းဆက်ဆံရာတွင်အဆင်ပြေနိုင်ကြလိမ့်မည်။
