 for web4.jpg)
 for web3a.jpg)
2023-05-11 05:52:49
၁၂.၅.၂၀၂၃ - ပါစကားကာလ ပဥ္စမအပတ် သောကြာနေ့
ရှင်ယောဟန် ၁၅:၁၂-၁၇
Reflection by Rev. Fr. Dominic Vuong, CSSR
Posted by Sr. Benedetta Myat Hnin Nwe(ISR)
ငါ၏ပညတ်သည်ကား ငါသည်သင်တို့ကိုချစ်သကဲ့သို့ သင်တို့သည်လည်းအချင်းချင်းချစ်ကြလော့။မိမိ၏ မိတ်ဆွေများအဖို့ မိမိ၏အသက်ကိုစွန့်လွှတ်သောချစ်ခြင်းမေတ္တာထက်ပို၍ကြီးမြတ်သည့်ချစ်ခြင်းမေတ္တာမျိုး အဘယ်သူတွင်မျှမရှိ။သင်တို့ကိုငါပညတ်ထားသည့်အတိုင်းလိုက်နာကျင့်ကြံကြလျှင်သင်တို့သည်ငါ၏ မိတ်ဆွေများဖြစ်ကြ၏။ငါသည်ယခုမှစ၍ သင်တို့အားအစေခံဟူ၍ခေါ်ဆိုတော့မည်မဟုတ်။အကြောင်းမူကား အစေခံသည်မိမိသခင်ပြုသောအမှုအရာကိုမသိသောကြောင့်ဖြစ်၏။ငါသည်သင်တို့ကို မိတ်ဆွေဟုခေါ်၏။အကြောင်းမူကား ငါ၏ခမည်းတော်ထံမှငါကြားသိရသမျှတို့ကို သင်တို့အားငါသိစေလေပြီ။သင်တို့သည်ငါ့ကိုရွေးကောက်ခဲ့ကြသည်မဟုတ်။ငါသည်သင်တို့ကိုရွေးကောက်ခဲ့ခြင်းဖြစ်ပြီး သင်တို့သည်သွား၍အသီးသီးကြလျက်သင်တို့၏အသီးသည် အစဉ်အမြဲတည်နေမည့်အကြောင်းနှင့်ငါ၏နာမ၌ခမည်းတော်ထံသို့သင်တို့တောင်းလျှောက်သမျှကိုကိုယ်တော်သည်ပေးသနားတော်မူမည့်အကြောင်းသင်တို့အားငါခန့်ထား၏။ထို့ကြောင့်သင်တို့သည်အချင်းချင်းချစ်ကြရန်သင်တို့အားငါပညတ် ၏။*ထောက်ရှုချက်*ယေဇူးက ငါမိန့်တော်မူသည်အတိုင်းအလုပ်လုပ်လျှင်ငါ၏ သူငယ်ချင်းဖြစ်သည်။ယေဇူးသခင်သည် ဘုရားတကာတို့၏ဘုရား၊ဘုရင်တကာတို့၏ဘုရင်၊ကမ္ဘာမိုးမြေကို အုပ်စိုးသော အရှင်ဖြစ်တော်မူ၏။ကိုယ်တော်ကလူသားတွေကိုအဘယ်ကြောင့်သူငယ်ချင်းအဖြစ်လက်ခံကြသနည်း။ပုံမှန်အားဖြင့်ဘုရင်တစ်ပါးသို့မဟုတ် သခင်တစ်ပါးသည်နှင့်တစ်တန်းတည်းနေခဲ့သောသူငယ်ချင်းရှိလိမ့်မည်။ကျွန်ုပ်တို့သည်အရေးကြီးသောပုဂ္ဂိုလ်၊ငွေကြေးချမ်းသာ သောပုဂ္ဂိုလ်၊ ဥာဏ်ပညာထက်သောပုဂ္ဂိုလ်(သို့မဟုတ်)ဘုရားသခင်အတွက်အဖိုးထိုက်သောအရာကို ပြုလုပ်ပေးသူဖြစ်ကောင်းဖြစ်လိမ့်မည်။သို့မဟုတ်လျှင်လည်း အဆင့်အတန်းနှိမ့်သောသူ၊ကျွန်၊အလုပ်သမား၊အိမ်အကူဟုအခေါ်ခံရမည်။ဤယနေ့ဧဝံဂေလိကျမ်းတွင်သခင်ယေဇူးက၏သူငယ်ချင်းဖြစ်ရန် အထက်ပါအချက်များ မလိုအပ်ပေ။ကိုယ်တော်က“သင်သည်ငါ့ကိုရွေးချယ်သည်မဟုတ်။ငါသည်သင့်ကိုရွေးချယ်၏”ဟုမိန့်တော်မူ၏။ဘုရားသခင်သည်မိမိတို့ကိုရွေးချယ်ရာတွင်အရည်အချင်းမမှီသော်လည်း ကျွန်ုပ်တို့ကို ဦးစွာရွေးချယ်တော်မူသည်။ဘုရားသခင်၏ကောင်းချီးမင်္ဂလာတော်ခံစားလျှက်ကျွန်ုပ်တို့ အဖိုးအခပေးရန်မလိုပဲရရှိသောကျေးဇူးတော်များကိုအသုံးပြုလျက်မိမိနှင့်နီးစပ်သောသူဘုရားသခင်နှင့်ပိုမိုချစ်ခင်ရင်းနှီးမှုတည်ဆောက်ရန်ကြိုးစားကြပါစို့။
