 for web4.jpg)
 for web3a.jpg)
2023-05-15 04:59:00
၁၆.၅.၂၀၂၃ - ပါစကားကာလ ဆဌမအပတ် အင်္ဂါနေ့
ရှင်ယောဟန် ၁၆း၅-၁၁
Reflection by Rev. Fr. Petrue , CSsR
Posted by Sr. Benedetta Myat Hnin Nwe(ISR)
ယခုမှာမူငါ့ကိုစေလွှတ်တော်မူသောအရှင်ထံသို့ ငါသွားမည်။သို့ရာတွင်ကိုယ်တော်မည်သည့်အရပ်သို့ သွားမည်နည်းဟူ၍ သင်တို့တွင်တစ်ယောက်မျှငါ့ကိုမမေးကြ။ ငါသည်ကားဤအကြောင်းအရာတို့ကိုသင်တို့အားပြောကြားသဖြင့်သင်တို့၏ စိတ်နှလုံးသည် ဝမ်းနည်းခြင်းဖြင့်ပြည့်လေပြီ။သို့ပင်သော်လည်း သင်တို့အားငါအမှန်အတိုင်းဆိုရလျှင် သင်တို့၏အကျိုးအလို့ငှာ ငါသွားခြင်းဖြစ်၏။အကြောင်းမူကားငါမသွားလျှင်ကူညီစောင်မသောအရှင်သည် ကြွလာတော်မူလိမ့်မည်မဟုတ်။ငါသွားလျှင်မူကား ထိုအရှင်ကို သင်တို့ထံသို့ငါစေလွှတ်မည်။ထိုအရှင်ကြွလာတော်မူသောအခါဤလောကအား အပြစ်အကြောင်း၊ဖြောင့်မတ်ခြင်းအကြောင်းနှင့်တရားစီရင်တော်မူခြင်းအကြောင်းတို့ကိုထင်ရှားစွာထုတ်ဖော်ပြတော်မူလိမ့်မည်။အပြစ်ဟုဆိုရခြင်းမှာသူတို့ သည်ငါ့ကိုမယုံကြည်ကြသောကြောင့်ဖြစ်၏။ ဖြောင့်မတ်ခြင်းဟုဆိုရခြင်းမှာငါသည် ခမည်းတော်ထံသို့ ကြွသွား၍ သင်တို့သည်ငါ့ကိုထပ်မံ၍မြင်ကြရလိမ့်မည်မဟုတ်သောကြောင့်ဖြစ်၏။တရားစီရင်တော်မူခြင်းဟုဆိုရခြင်းမှာဤကမ္ဘာလောကကိုအုပ်စိုးသောသူသည်တရားစီရင်ခြင်းခံရသောကြောင့်ဖြစ်၏။*ထောက်ရှုချက်*ကျွန်ုပ်တို့လောကရှိလူတစ်ချို့သည်အမှန်တရားကိုမသိချင်ကြပါ။အမှန်တရားကိုရှာဖွေခြင်းသည်ကျွန်ုပ်ဘဝတစ်ခုလုံး၏တာဝန်ဖြစ်သည်။လက်တွေ့ဘဝတွင်အမှန်တရားကိုလက်ခံခြင်းသည်မည်သည့်ကိစ္စတွင်မလွယ်ကူပါ။တခါတရံအမှန်တရားကိုသိရန်ကြောက်နေကြသည်။အဘယ်ကြောင့် ဆိုသောကျွန်ုပ်တို့လိုချင်သောအရာနှင့်ဖြစ်ပေါ်သောရလဒ်များတွင်တူသောပုံမပေါ်မည်ကိုစိုးရိမ်သောကြောင့်ဖြစ်သည်။သို့မဟုတ်အပြစ်ကျူးလွန် ထားသောကြောင့်ဖြစ်သာည်။ကျွန်ုပ်တို့သည် အမှောင်ကိုနှစ်သက်ပြီး ၎င်းတွင်ပျော်ရွှင်ငြိမ်းချမ်းမှုမရှိပဲဒုက္ခဆင်းရဲကို လက်ခံကြသည်။ဤယနေ့ဧဝံဂေလိကျမ်းတွင် ယေဇူးထွက်ခွါသွားခြင်း၏အားသန်ချက်မှာသန့်ရှင်းသောဝိညာဥ်တော်နှင့်ဆက်စပ်နေသည်။သန့်ရှင်းသောဝိညာဥ်တော် ကြွလာသောအခါကမ္ဘာကြီး၏အတွေးအခေါ်တချို့မှားယွင်းနေခြင်းကိုထောကပြတော်မူမည်။ယေဇူးသည်အပြစ်၊ဖြောင့်မတ်ခြင်းနှင့်တရားစီရင်တော်မူခြင်းကိုအသွင်ပြင်သုံးမျိုးအဖြစ်ရည်ညွှန်းထားသည်။ ဘုရားသခင်နှင့် သားတော်ကိုညင်းပယ်ခြင်းသည်အပြစ်ဖြစ်သည်ဟုဆိုနိုင်သည်။ပထမအချက်မှာ ယေဇူးသခင်သက်ရှိထင်ရှာခြင်း၊ အသေခံခြင်း နှင့် ရှင်ပြန်ထမြောက်ခြင်း စသည်အချက်ကြောင့် ဘုရား၏စီမံကိန်း ကိုရှင်းလင်းစေခဲ့သည်။ ဝိညာဥ်တော်ဘုရားသည်ယုံကြည်သူများ၏ဝိညာဥ်ကိုအလင်းပေးကာသတင်းကောင်းကို ဟောပြောစေသည်။ဒုတိယအချက်သည်ခရစ်တော်သေခြင်းမှရှင်ပြန်ထမြောက်ခြင်းကိုကိုယ်တော်၏ရန်သူတို့မှားယွင်းကြောင်း အံ့ဘွယ်သောသက်သေပြခြင်းဖြစ်သည်။ တတိ ယအချက်မှာယေဇူးသည်ကျရှုံးသွားသောလောက၏ဝိညာဥ်ရေး ခေါင်းဆောင်ဖြစ်သည့်စာတန်နတ်ဆိုးအပေါ်တရားစီရင်ခြင်းကိုရည်ညွှန်းသည်။သားတော်၏နာခံခြင်းကြောင့်လောကနှင့်အုပ်စိုးရှင်တို့နှင့်ပေါင်းဖက်ရန်ရွေးချယ်သူတိုင်းအတွက် အင်အားဖြစ်သည်။ခရစ်တော်ကိုယုံကြည်ခြင်းသည် အမှန်တရားကိုလက်ခံခြင်းဖြစ်သည်။သန့်ရှင်းသောဝိညာဥ်တော်ဘုရားကိုခံယူပြီး သတင်းကောင်းကိုကမ္ဘာအနှံ့ သယ်ဆောင်ပျံ့နှံ့စေမည်။မိမိတို့၏ဆုံးဖြတ်ချက်များကိုလမ်းပြနိုင်ပြီးဝိညာဥ်၊ကာယဆိုင်ရာ အန္တရာယ်ကိုကာကွယ်ပေးသည်။ကြောက်ရွံ့စိတ်ကိုဖယ်ရှားပြီးမျှော်လင့်ချက်ကိုပြည့်ဝစေသည်။ကိုယ်တော်၏တန်ခိုးတော်အားဖြင့် မိမိတို့သည်နောင်တရခြင်း၊ကယ်တင်ခြင်းရရှိခြင်းနှင့်သန့်ရှင်းခြင်းကျးဇူးတော်ပေးပါသည်။အမှန်တရားသည်ကျွန်ုပ်တို့ကိုလွတ်မြောက်စေသည်။
