 for web4.jpg)
 for web3a.jpg)
2023-05-17 05:07:17
၁၈.၅.၂၀၂၃ - ပါစကားကာလ ဆဌမအပတ် ကြာသပတေးနေ့
ရှင်ယောဟန် ၁၆း၁၆-၂၀
Reflection by Rev. Fr. Dominic Vuong, CSSR
Posted by Sr. Benedetta Myat Hnin Nwe(ISR)
တစ်ခဏမျှကြာလျှင်သင်တို့သည ငါ့ကိုတွေ့မြင်ကြရတော့မည်မဟုတ်။တစ်ဖန်တစ်ခဏမျှကြာလျှင်သင်တို့သည် ငါ့ကိုတွေ့မြင်ကြရလိမ့်မည်ဟုမိန့်တော်မူ၏။ကိုယ်တော်၏တပည့်တော်အချို့တို့ကအချင်းချင်းပြောဆိုကြသည်မှာတစ်ခဏမျှကြာလျှင် သင်တို့သည်ငါ့ကိုတွေ့မြင်ကြရလိမ့်မည်မဟုတ်၊တစ်ဖန်တစ်ခဏမျှကြာလျှင် သင်တို့သည်ငါ့ကိုတွေ့မြင်ကြရလိမ့်မည်၊အကြောင်းမူကား ငါသည်ခမည်းတော်ထံသို့သွားမည်ဟူ၍ ငါတို့အားကိုယ်တော်မိန့်တော်မူသောစကားသည်မည်သည့်အရာကိုဆိုလိုသနည်းဟုဆိုကြ၏။တစ်ဖန်သူတို့ကကိုယ်တော်သည်တစ်ခဏမျှဟုဆိုရာ၌အဘယ်အရာကိုဆိုလိုသနည်း။ကိုယ်တော်သည် မည်သည့်အရာကိုဆိုလိုကြောင်းငါတို့ မသိကြဟုဆိုကြ၏။ယေဇူးမူကား သူတို့သည်မိမိအားမေးမြန်းလိုကြောင်းကိုသိသဖြင့်သူတို့အားမိန့်တော်မူသည်မှာတစ်ခဏမျှကြာလျှင်သင်တို့သည်ငါ့ကိုတွေ့မြင်ကြရလိမ့်မည်မဟုတ်။တစ်ဖန်တစ်ခဏမျှကြာလျှင် သင်တို့သည်ငါ့ကိုတွေ့မြင်ကြလိမ့်မည်ဟူ၍ငါဆိုသည်ကိုသင်တို့အချင်းချင်းမေးမြန်းနေကြသလော။သင်တို့အားငါဧကန်အမှန်ဆိုသည်ကားသင်တို့သည် ဝမ်းနည်းငိုကြွေးကြရလိမ့်မည်။သို့ရာတွင် ဤလောကသည်ဝမ်းမြောက်လိမ့်မည်။သင်တို့သည်ဝမ်းနည်းကြရသော်လည်းသင်တို့၏ ဝမ်းနည်းခြင်းသည်ဝမ်းမြောက်ခြင်းအဖြစ်သို့ပြောင်းလဲလိမ့်မည်။*ထောက်ရှုချက်*ကျွန်ုပ်တို့တစ်စုံတစ်ယောက်ကိုချစ်တယ်ဆိုရင်အနီးအနားမှာသူရှိစေချင်တယ်။ဘယ်သူကမှမဝေးချင်ကြပ်ဘူး။လက်တွေ့ဘဝမှာခွဲကွာမှုတွေအများကြီးကြုံတွေ့ရပါတယ်။ဆွေမျိုးတွေဆုံးပါးသွားရင်စိတ်ပျက်တတ်ပါတယ်။ ကျွန်ုပ်တို့ချစ်သူကသေဆုံးခြင်းအကြောင်းကိုနားလည်ရခက်တယ်။ဘုရားနှင့်ယုံကြည်ခြင်းမရှိလျှင်အဖြေမသိနိုင်။ယနေ့ကျမ်းစာတွင် ယေဇူးခွဲခွါသွားခြင်းအကြောင်းကိုမိန့်တော်မူခဲ့တယ်။“တခဏမျှအတွင်းသင်တို့ကိုမတွေ့ရတော့ပါဘူး။ထို့နောက်ခဏကြာလျှင်ငါ့ကိုပြန်တွေ့ရလိမ့်မည်။”သခင်ယေဇူးသည်သူ၏ဒုက္ခစရိယာခံခြင်း၊ရှင်ပြန်ထမြောက်ခြင်းအကြောင်းကိုအရိပ်အမြွက်ပြောခဲ့သည်။မက်ဆီးယားကိုစေလွှတ်မည့် ဂတိနှင့်ကိုက်ညီသည်။ဤအချက်သည်တပည့်တော်ကးများမသိနားမလည်ကြချေ။ဤသို့ဖြစ်ရခြင်းမှာ နောင်ဖြစ်လာမည့်အရာအားလုံးကိုမမြင်နိုင်သေးသောကြောင့်ဖြစ်သည်။အဘယ်ကြောင့်ဆိုသော် သန့်ရှင်းသောဝိညာဥ်တော်၏ သြဇာလွမ်းမိုးမှုမရှိသေးသောကြောင့်ဖြစ်သည်။နောက်ဆုံးညစာစားပွဲတွင် ယေဇူးပြောသောစကားသည် “ဖမ်းချုပ်ခြင်း၊ ကားစင်တင်ခြင်း၊ရှင်ပြန်ထမြောက်ခြင်းစသည့်စကားများကို သူမြွက်ကြားခဲ့သော်လည်း ဝိညာဥ်တော်မရှိသေးသောကြောင့်သူတို့နားမလည်ကြ။ ကိုယ်တော်ရှင်ပြန်ထမြောက်ပြီးသူတို့၏အသိဥာဏ်အတွက်သော့ချက်ဖြစ်လာလိမ့်မည်။ကျွန်ုပ်တို့သည် တပည့်တော်ကြီးများကဲ့သို့ ကိုယ်ချစ်ရတဲ့သူနှင့်လမ်းခွဲရသည့်အချိန်တွင် ဝမ်းနည်းရခံစားရတတ်သည်။ ချစ်ရသူနှင့်မတွေ့ရရင် စိတ်မကောင်းဖြစ်ရသည်။နေ့စဥ် မစ္ဆားတရားနာယူသော်လည်း ကိုယ်တော်သည်ငါတို့နှင့်အတူရှိကြောင်း ငါတို့အမှန်တကယ်မသိရှိကြပါ။သန့်ရှင်းသောဝိညာဥ်တော်အလင်ကျေးဇူးတော်ကြောင့်ယေဇူးနှင့်တလုံးတဝတည်းရှိကြောင်းသိနားလည်နိုင်သည်။ကျွန်ုပ်တို့ ရှင်သော်လည်းကောင်း၊သေသော်လည်းကောင်းဘုရားသခင်နှင့်သက်ဆိုင်သည်။ကျွန်ုပ်တို့သည် ကိုယ်တော်နှင့်အတူနေလျှင် အမှန်တရားကိုနားလည်လိမ့်မည်။ တနေ့နေ့ပြန်လည်ဆုံတွေ့ ကြရမည် ဟုယုံကြည်ပါသည်။
