 for web4.jpg)
 for web3a.jpg)
2023-05-19 08:32:36
၂၀.၅.၂၀၂၃ - ပါစကားကာလ ဆဌမအပတ် စနေနေ့
ရှင်ယောဟန် ၁၆း၂၃-၂၈
Reflection by Rev. Fr. Dominic Vuong, CSSR
Posted by Sr. Benedetta Myat Hnin Nwe(ISR)
ထိုနေ့၌ သင်တို့သည်ငါ့အားမည်သည့်အရာကိုမျှ မေးမြန်းကြလိမ့်မည်မဟုတ်။သင်တို့အားငါဧကန်အမှန်ဆိုသည်ကား သင်တို့သည်ငါ၏ခမည်းတော်ထံတစ်စုံတစ်ခုကိုတောင်းလျှောက်ကြလျှင်ကိုယ်တော်သည်ငါ၏နာမ၌သင်တို့အားထိုအရာကိုပေးတော်မူလိမ့်မည်။ယခုတိုင်အောင်သင်တို့သည်ငါ၏နာမ၌မည်သည့်အရာကိုမျှမတောင်းခံကြသေး။တောင်းလျှောက်ကြလော့။ထိုအခါ သင်တို့သည်ရရှိကြ၍သင်တို့၏ဝမ်းမြောက်ခြင်းသည်ပြည့်စုံလိမ့်မည်။ငါသည်ဤအကြောင်းအရာများကိုပုံဥပမာဖြင့်သင်တို့အာဟောပြောခဲ့၏။ပုံဥပမာဖြင့်မဟောပြောဘဲခမည်းတော်အကြောင်းကိုသင်တို့အားငါအတိအလင်းဟောပြောရမည့်အချိန်ရောက်လာတော့မည်။ထိုနေ့ရက်တွင်သင်တို့သည်ငါ၏နာမ၌တောင်းလျှောက်ကြလိမ့်မည်။ငါသည်သင်တိုအတွက်ခမည်းတော်ထံသို့တောင်းလျှောက်ပေးမည်ဟုသင်တို့အားငါမဆိုပေ။အကြောင်းမူကားသင်တို့သည်ငါ့ကိုချစ်၍ငါသည်ခမည်းတော်ထံမှကြွလာသည်ကိုယုံကြည်ကြသဖြင့်ခမည်းတော်ကိုယ်တိုင်သင်တို့ကိုချစ်တော်မူသောကြောင့်ဖြစ်၏။ငါသည်ခမည်းတော်ထံမှကြွလာ၍ ဤလောကထဲသို့လာခဲ့ပြီ။တစ်ဖန်ငါသည်ဤလောကမှထွက်ခွာ၍ ခမည်းတော်ထံသို့ ပြန်သွားမည်ဟုမိန့်တော်မူ၏။*ထောက်ရှုချက်*တောင်းလျှင်ရလိမ့်မည်။ကျွန်ပ်တို့သည် ဆုတောင်းရာတွင်ပြည့်ချင်ကြသည်။တောင်းသည့်ဆုမပြည့်ရင်စိတ်ပျက်လာကြသည်။သခင်ယေဇူး၏ဂတိတော်သည်မှန်ပါသလားဟုမေးခွန်းထုတ်စရာရှိသည်။ ဤယနေ့ကျမ်းထဲတွင်မည်ကဲ့သို့နားလည်သနည်း။ဆုတောင်းတိုင်းရပါသလား။ယေဇူးသည်သေခြင်းမှကယ်တင်ရန်တန်ခိုးရှိသောခမည်းတော်ဘုရားအား မျက်ရည်ဖြင့် ဆုတောင်းခဲ့သည်။ဒုက္ခစရိယာခံခြင်းဖြင့် ခမည်းတော်အလိုတော်ကိုလိုက်နာခဲ့သည်။သို့ဖြစ်၍ယေဇူးဆုတောင်းသကဲ့သို့ အတုယူသင့်သည်။ဘုရားသခင်သည်ကျွန်ုပ်တို့အတွက်အကောင်းဆုံးကို စီမံပေးသည်။ဆုတောင်းသောအခါ အကြိမ်ပေါင်းများစွာကိုယ့်အတ္တအတွက်တောင်းတတ်ကြသည်။ကျွန်ုပ်တို့၏ဆုတောင်းခြင်းသည်တခါတရံအကျိုးမရှိသလိုကိုယ့်ကိုထိခိုက်စေသည်။စိန့်ဂျိမ်းစ်ကသင်တို့သည်တောင်းသော်လည်း တောင်းသောဆုမရလျှင်သင်တို့တောင်းသောဆုသည်ဘုရား သခင်၏အလိုတော်အတိုင်းသာဖြစ်သည်။အချိန်မတန်သေး၍ဖြစ်သည်။မိမိ၏ဆုတောင်းခြင်းသည်ဆုတောင်းပြည့်ခြင်းထက်ဘုရားသခင်၏ဘုန်းတော်ဂုဏ်တော်ကိုချီးမွမ်းရန်အလိုတော်ရှိတော်မူသည်။သခင်ယေဇူးမိမိ၏နောက်လိုက်တပည့်များကိုကောင်းကင်ဘုံမေတ္တာသင်ပေးခဲ့ခြင်းဖြင့်မည်သို့ဆုတောင်းရမည်ကိုသိရှိရသည်။ ဆုတောင်းမေတ္တာတွင်ယေဇူးသည် မိမိကိုယ်ကိုဖော်ပြခြင်းမရှိ ဘုရား၏ဘုန်းဂုဏ်တော်အတွက်ထင်ရှားရန်သာဖြစ်သည်။ယေဇူး၏နာမတော်အားဖြင့်တောင်းလျှောက်ကြသည်ဆိုသည်မှာယေဇူးနှင့်သဟဇာတဖြစ်ကြောင်းကိုဖော်ပြသည်။ဆုတောင်းရာတွင်ယုံခြင်းရှိရန်လိုသည်။ ဘုရားသခင်၌ ယုံကြည်ခြင်းရှိလျှင်ပျော်ရွှင်မှုရရှိနိုင်သည်။ယေဇူးကသင်တို့သည်နှစ်ဦး သုံးဦးအတူစုဝေး၍ ငါ့၏နာမ၌ဆုတောင်းလျှင်ငါသည်သင်တို့နှင့်အတူရှိမည်။ခမည်းတော်သည်ကျွန်ုပ်တို့၏ဆုတောင်းမေတ္တာကိုနားညောင်းတော်မူမည်။ဘုရားသခင်သည်ငါတို့နှင့်အတူရှိတော်မူသောကြောင့်ဖြစ်သည်။
