 for web4.jpg)
 for web3a.jpg)
2023-06-11 06:23:09
12.6.2023 – 10th Week in Ordinary Time, Monday
Matthew 5:1-12, ရှင်မာသေဦး ၅:၁-၁၂ - (မင်္ဂလာတရားရှစ်ပါး)
Reflection & Posted by Sr. Benedetta Myat Hnin Nwe(ISR)
ကိုယ်တော်သည် လူအစုအဝေးတို့ကိုမြင်လျှင် တောင်ပေါ်သို့တက်တော်မူ၏။ထို့နောက်ကိုယ်တော်သည် ထိုင်တော်မူသောအခါ တပည့်တော်တို့သည်စုဝေးလာကြ၏။ထိုအခါကိုယ်တော်သည် မိမိ၏နှုတ်တော်ကိုဖွင့်၍ သူတို့အားဟောပြောသွန်သင်တော်မူသည်ကား၊အတွင်းစိတ်၌ ဆင်းရဲသောသူတို့သည်မင်္ဂလာရှိကြ၏။ အကြောင်းမူကားကောင်းကင်နိုင်ငံတော်သည်ထိုသူတို့၏နိုင်ငံဖြစ်၏။ဝမ်းနည်းငိုကြွေးသောသူတို့သည်မင်္ဂလာရှိကြ၏။အကြောင်းမူကား သူတို့သည်နှစ်သိမ့်ခြင်းခံကြရလိမ့်မည်။ စိတ်နှလုံးနူးညံ့ သိမ်မွေ့သောသူတို့သည်မင်္ဂလာရှိကြ၏။အကြောင်းမူကား သူတို့သည်မြေကိုအမွေခံကြရလိမ့်မည်။ဖြောင့်မတ်ခြင်းတရားကိုဆာမွတ်တောင့်တသောသူတို့သည်မင်္ဂလာရှိကြ၏။အကြောင်းမူကား သူတို့သည်လိုအင်ဆန္ဒပြည့်ဝကြလိမ့်မည်။သနားကြင်နာတတ်သောသူတို့သည်မင်္ဂလာရှိကြ၏။အကြောင်းမူကားသူတို့သည်သနားကြင်နာခြင်းခံကြရလိမ့်မည်။စိတ်နှလုံးရိုးသားဖြူစင်သောသူတို့သည် မင်္ဂလာရှိကြ၏။အကြောင်းမူကား သူတို့သည်ဘုရားသခင်ကိုဖူးမြင်ကြရလိမ့်မည်။ ငြိမ်းချမ်းရေးအတွက် ကြိုးပမ်းဆောင်ရွက်သော သူတို့သည်မင်္ဂလာရှိကြ၏။ အကြောင်းမူကားသူတို့သည် ဘုရားသခင်၏သားများဟုအခေါ် ခံကြရလိမ့်မည်။ဖြောင့်မတ်ခြင်းတရားအတွက်ညှဉ်းပန်းနှိပ်စက်ခြင်းခံရသောသူတို့သည် မင်္ဂလာရှိကြ၏။အကြောင်းမူကားကောင်းကင်နိုင်ငံတော်သည်ထိုသူတို့၏ နိုင်ငံဖြစ်၏။လူတို့သည်ငါ့အတွက်ကြောင့်သင်တို့ကိုစော်ကားညှဉ်းဆဲပြီး မဟုတ်မမှန်ဘဲအမျိုးမျိုးပြစ်တင်ရှုတ်ချကြသောအခါ သင်တို့သည်မင်္ဂလာရှိကြ၏။ရွှင်လန်းဝမ်းမြောက်ခြင်းရှိကြလော့။ အကြောင်းမူကား ကောင်းကင်နိုင်ငံတော်၌သင်တို့ခံစားရမည့်ဆုလဒ်သည်ကြီးမားလှပေ၏။သူတို့သည်သင်တို့မတိုင်မီ ရှိခဲ့သောပရောဖက်များကိုလည်းဤနည်းတူညှဉ်းဆဲခဲ့ကြ၏။ထောက်ရှုချက်-ဤယနေ့ဧဝံဂေလိကျမ်းတွင်တောင်ပေါ်ဒေသနာ မင်္ဂလာတရားရှစ်ပါးကိုဘုရားပေးထားခဲ့တယ်။များစွာခွန်အားယူစရာဖြစ်တယ်။သို့သော်လူတွေကအားလုံးလက်ခံနိုင်မှလည်းလက်ခံနိုင်မှာဆိုတော့ကျွန်ုပ်တို့ရှင်သန်နေထိုင်တဲ့ဘဝအသက်တာမှာမင်္ဂလာတရားရှစ်ပါးအတိုင်းကျင့်ကြံနေထိုင်ရင်တော့ ခရစ်တော်ကိုသက်သေခံခြင်းပဲဖြစ်တယ်။ဖြောင့်မတ်ခြင်းတရားအတွက်ညှဉ်းပန်းနှိပ်စက်ခြင်းခံရသော သူတို့သည်မင်္ဂလာရှိကြ၏။အကြောင်းမူကားကောင်းကင်နိုင်ငံတော်သည် ထိုသူတို့၏နိုင်ငံဖြစ်၏။ဤအချက်ကိုထောက်ရှုရာမှာ ဖြောင့်မတ်မှန်ကန်နေထိုင်၊ပြောဆိုသူတွေဟာလူမုန်းများတယ်။ ကြည့်မရဘူး။မနာလိုဝန်တိုတတ်တယ်။ဒါကြောင့် ညှဥ်း ပန်းနှိပ်စက်ခြင်း၊ဝေဖန်ကဲ့ရဲခြင်း၊ အသက်စွန့်ရသည့်အထိခံစားနေကြရပါတယ်။ လောလောလပ်လပ်မှာတော့ အမျက်ဒေါသထွက်မိမယ်။ မခံမရနိုင်ဖြစ်မယ်။သို့သော် အမှန်တရားအတွက်ခံရချိန်မှာခါးသီးပေမဲ့မင်္ဂလာရှိတယ်။ခွန်အားယူကာ တနေ့ကောင်းကင်နိူင်ငံတော်ဟာပိုင်ဆိုင်ရမယ်ဆိုတာကိုသတိရပြီးစုံစမ်းနှောက်ယှက်ခြင်း၊ပြစ်တင်ရှုတ်ချခြင်း၊ညှဉ်းပန်းနှိပ်စက်ခြင်း၊နာကျင်မှုစသောခံရတဲ့အရာတွေခံထမ်းပြီးခရစ်တော်၏ခြေရာအတိုင်းလျှောက်လှမ်းနိုင်ရန်လိုအပ်သောခွန်အားကျေးဇူးကိုဘုရားရှင်ထံတောင်းခံရင်းကြိုးစားကြပါစို့။
