 for web4.jpg)
 for web3a.jpg)
2023-06-13 04:43:20
14.6.2023 – 10th Week in Ordinary Time, Wednesdaysday
၁၄.၆.၂၀၂၃ - (၁၀) ကြိမ်မြောက်သီတင်းပတ် ဗုဒ္ဓဟူးနေ့
ရှင်မာသေဦး ၅:၁၇-၁၉/ Matthew 5:17-19
Reflection by Dominic Lum Zaung
Posted by Sr. Benedetta Myat Hnin Nwe(ISR)
ပညတ်တရားကျမ်းနှင့်ပရောဖက်ကျမ်းများကိုပယ်ဖျက်ခြင်းငှာငါလာသည်ဟုမထင်ကြနှင့်။ပယ်ဖျက်ခြင်းငှာမဟုတ်၊ပြီးပြည့်စုံစေခြင်းငှာငါလာသတည်း၊သင်တို့အားငါအမှန်ဆိုသည်ကားကောင်းကင်နှင့်မြေကြီးပျောက်ကွယ်သွားသည့်တိုင်အောင်အရာ အားလုံးပြီးပြည့်စုံခြင်းသို့မရောက်မချင်းပညတ်တရားကျမ်းမှအငယ်ဆုံးသောစာလုံးတစ်လုံး၊အသတ်အလပ်တစ်ခုမျှမကွယ်မပျောက်ရာ။ထို့ကြောင့်မည်သူမဆိုဤအငယ်ဆုံးသောပညတ်တို့တွင်တစ်ပါးပါးကိုကိုယ်တိုင်ကျူးလွန်၍အခြားသူတို့အားလည်း ထိုနည်းအတိုင်းသွန်သင်လျှင်ထိုသူသည်ကောင်းကင်နိုင်ငံတော်တွင်အသိမ်ငယ်ဆုံးသောသူဟုအ ခေါ်ခံရလိမ့်မည်။သို့ရာတွင်မည်သူမဆိုပညတ်တော်များကိုကိုယ်တိုင်ကျင့်၍အခြားသူတို့အားလည်းကျင့်ရန်သွန်သင်လျှင်ထိုသူသည်ကောင်းကင်နိုင်ငံ တော်တွင်ကြီးမြတ်သောသူဟုအခေါ်ခံရလိမ့်မည်။*ထောက်ရှုချက်*အချစ်ကအရာရာကိုပြီးပြည့်စုံစေသည်။ဤယနေ့ ရှင်မာသဲ ၅း၁၇ ၌ သခင်ခရစ်တော်မိန့်ကြားတော်မူသည်မှာ“ပညတ်တရားဥပဒေကျမ်းများကိုပယ်ဖျက်ခြင်းငှာလာသည်ဟုမထင်ကြနဲ့ ပယ်ဖျက်ခြင်းငှာငါလာသည်မဟုတ်၊ပြီးပြည့်စုံစေခြင်းငှာငါလာသတည်း”၊ဤကျမ်းပိုဒ်ကဖိတ်ခေါ်လျှက်ရှိပါတယ်။ကျွန်ုပ်တို့ရဲ့လူ့ပြည်၊လူ့အဖွဲ့အစည်း၊လူပုဂ္ဂိုလ်တိုင်းရဲ့မိန့်ကြားတော်မူသည်မှာပညတ်တရားဥပဒေများကိုပြီးပြည့်စုံစေခြင်းငှာငါလာသည်။မည်ကဲ့သို့ထောက်ရှုဆင်ခြင်ခြင်းအားဖြင့်ယုံကြည်သူကျွန်ုပ်တို့ ရဲ့ဘဝအသက်တာ၌တရားဥပဒေ စည်းမျဉ်းစည်းကမ်းကိုလိုက်နာကျင့်ကြံနေထိုင်ခြင်းသည်အလွန်အရေးပါကြောင်း သခင်ခရစ်တော်ကကျွန်ုပ်တို့ဘဝကိုကြည့်ခြင်းအားဖြင့်လည်းတရားဥပဒေစည်းမျဉ်းစည်းကမ်းအရေးကြီးပုံကိုကွဲကွဲပြားပြားသိနိုင်ပါတယ်။အောင်မြင်တိုးတက်တဲ့တိုင်းပြည်၊လူ့အဖွဲ့အစည်းရဲ့အဓိကအခြေခံအကြောင်းတရားများကလည်းဖြောင့်မတ်မှန်ကန်တဲ့တရားဥပဒေ၊စည်းမျဉ်းစည်းကမ်းများကြောင့်ဖြစ်တယ်ဆိုတာလည်းအမှန်တရားဘဲဖြစ်ပါတယ်။ အဲဒါကြောင့် ကျွန်ုပ်တို့ ဘဝအသက်တာ၌ အများအတွက်အကျိုးပြုတဲ့ တရားမျှတဖြောင့်မတ်မှန်ကန်တဲ့တရားဥပဒေ၊ စည်းမျဉ်းစည်းကမ်းတွေကို ကျင့်ကြံနေထိုင်ဖို့က ကျွန်ုပ်တို့ရဲ့ ယုံကြည်သူအားလုံးရဲ့တာဝန်၊ဝတ္တရားဘဲဖြစ်ပါတယ်။ဒီကနေ့ကျမ်းစာတော်မြတ်၌သခင်ခရစ်တော်ဘယ်လိုပြီးပြည့်စုံစေမည်နည်း။ကျွန်ုပ်တို့မေးခွန်းမေးကောင်းမေးနိုင်ပါတယ်။ အမှန်တရားတခုကတော့သခင်ခရစ်တော်ကိုယ်၌ကချစ်ခြင်းမေတ္တာတရားဖြစ်ပါတယ်။သူရဲ့ချစ်ခြင်းမေတ္တာတရားဖြင့်ကျွန်ုပ်တို့ရဲ့မပြီးပြည့်စုံတဲ့ဘဝအသက်တာကို ပြီးပြည့်စုံစေခြင်းသာဖြစ်ပါတယ်။ ကျွန်ုပ်တို့ ဘဝအသက်တာ၌ချစ်ခြင်းမေတ္တာ၌ အရင်းခံသောဘ၀အသက်တာ ချစ်ခြင်းမေတ္တာ၌ဗဟိုပြုသောပညတ်ဥပဒေများကို ဖွဲ့စည်းတည် ဆောက်လိုက်နာကျင့်ကြံစေဖို့ရန်ဆိုလိုခြင်းဖြစ်ပါတယ်။အထူးသဖြင့်ကျွန်ုပ်တို့ယုံကြည်သူများအနေဖြင့်စစ်မှန်၊မှန်ကန်တဲ့လူသားဘာသာဝင်များဖြစ်ဖို့လိုက်နာကျင့်ကြံနေထိုင်ရမည့်ပညတ်တရားတော်(၁၀)ပါးရှိတယ်ဆိုတာကျွန်ုပ်တို့သိပါတယ်။အဲဒီပညတ်တရားတော်(၁၀)ပါးအားလုံးရဲ့ အခြေခံအုတ်မြစ်က ပထမပညတ်တော် နှစ်ပါးလို့ ဆိုနိုင်ပါတယ်။ ဖန်ဆင်းရှင် ဘုရားသခင်ကို အကြွင်းမဲ့ချစ်ခြင်းနှင့် ကိုယ်နဲ့နီးစပ်သောသူကိုချစ်ခြင်းဖြစ်ပါတယ်။အဲဒီချစ်ခြင်းက တခြားတခြားသော ပညတ်တရားများကိုပြီးပြည့်စုံစေတာဘဲဖြစ်ပါတယ်။အဲကြောင့် သခင်ခရစ်တော်ရဲ့တရားဥပဒေက ချစ်ခြင်းမေတ္တာဘဲဖြစ်ပါတယ်။ထိုနည်းတူ မေတ္တာတရားထားရှိဖို့ရန်ဖြစ်ပါတယ်။ချစ်ခြင်းမေတ္တာဟုဆိုရာ၌လည်းအပြောသပ်သပ်ဖြင့်မလုံလောက်ပါဘူး။ လက်တွေ့မပါသောချစ်ခြင်းမေတ္တာကစစ်မှန်ပြီးပြည့်စုံတဲ့မေတ္တာတရားတစ်ခုမဖြစ်နိုင်ပါဘူး။ချစ်ခြင်းမေတ္တာကို နည်းလမ်းမျိုးစုံဖြင့်ကျွန်ုပ်တို့တစ်ဦးနှင့်တစ်ဦးဝေမျှနိုင်ပါတယ်။ဥပမာအားဖြင့်မရှိဆင်းရဲသောသူများကိုပေးလှူခြင်းအားဖြင့်ပြနိုင်သလိုသူငယ်ချင်းမိတ်ဆွေများ၊သူစိမ်းများနားထောင်ပေးခြင်းအားဖြင့်လည်းပြနိုင်ပါတယ်။အတင်းအဖျင်းပြောခြင်းကိုမပြုလုပ်ခြင်း၊ဒုက္ခရောက်နေချိန်၌အချိန်ပေးခြင်း၊သူတစ်ပါးကိုချိုသာတဲ့အပြုံးလေးပြသခြင်းနဲ့လက်တွေ့ဆန်တဲ့ချစ်ခြင်းမေတ္တာပြသခြင်းဖြစ်ပါတယ်။ကျွန်ုပ်တို့အသက်တာ၌ စစ်မှန်တဲ့မေတ္တာသည်တစ်ဦးနဲ့တစ်ဦးပြောဆိုပြုမူနေထိုင်သွားမည်ဆိုလျှင်ကျွန်ုပ်တို့ မျှော်လင့်တောင့်တသောငြိမ်းချမ်းပျော်ရွှင်သောတိုင်းပြည်ကြီး၊လူ့အဖွဲ့အစည်းကြီး၊မိသားစုတစ်ခုကိုဧကန်မုချတည်ဆောက်နိုင်မှာဖြစ်ပါတယ်။ဘာကြောင့်လဲဆိုတော့ ချစ်ခြင်းမေတ္တာတရားကအရာရာကိုပြီးပြည့်စုံစေလိုဘဲဖြစ်ပါတယ်။ ကျေးဇူးတင်ပါတယ်။
