 for web4.jpg)
 for web3a.jpg)
2023-06-21 04:45:58
22.6.2023 - 11th Week in Ordinary Time, Thursday (၂၂. ၆. ၂၀၂၃ ၊၁၁ ကြိမ်မြောက် သာမန်ကာလ၊ကြာသပတေးနေ့)
Matthew 6:7-15
Reflection by: Bro. Hkun Myat Aung (SSC)
Posted by Sr. Benedetta Myat Hnin Nwe(ISR)
22 June 2023 Reflection by: Columban Hkun Myat Aung
အားလုံးကိုမင်္ဂလာပါလို့ရှေးဦးစွာနှုတ်ဆက်လိုက်ပါတယ်။ဒီကနေ့ရဲ့ဧဝံဂလိကျမ်းတွင် သခင်ယေဇူးသည်သူ၏တပည့်တော်များကို မည်ကဲ့သို့ဆုတောင်းရမည်ကိုသွန်သင်ပေးလျက်ရှိသည်။အဘယ်ကြောင့်ဆိုသော်ဆုတောင်းခြင်းသည် ဘ၀၏အခြေခံအုတ်မြစ်ဖြစ်သည်။ထို့နောက် သခင်ယေဇူးသည်သူ၏တပည့်တော်များကိုကောင်းကင်ဘုံမေတ္တာဖြင့်ဆုတောင်းဖို့သွန်သင်သည်။ကျွန်ုပ်တို့သခင်ယေဇူး၏ဘဝအသက်တာကိုလေ့လာကြည့်ရင်သခင်ယေဇူးမည်ကဲ့သို့ဆုတောင်းခြင်းပါရမီဖြင့် သူ၏ဘဝရှင်သန်ခြင်းကိုတွေ့ရမည်ဖြစ်သည်။၎င်းနောက် သခင်ယေဇူးသည် ဆုတောင်းခြင်းတွင်လှပသောစကားလုံးများစွာသုံးပြီး ဆုတောင်းခြင်းထက်တိတ်ဆိတ်စွာမိမိ၏စိတ် အတွင်းမှဆုတောင်းခြင်းသည်ပို၍အရေးကြီးကြောင်း သူ၏တပည့်များကိုသွန်သင်ပေးသည်။ အဘယ်ကြောင့်ဆိုသော်ဘုရားသခင်သည် ကျွန်ုပ်တို့စိတ်နှလုံးအတွင်းမှ သူနှင့်ဆုတောင်းခြင်းသည်ဘုရားသခင်နှင့် နက်ရှိုင်းသော ဆက်ဆံရေးတည်ဆောက်သည်။ ချစ်ခင်လေးစားသော ဘာသာတူများကျွန်ုပ်တို့မိမိကိုယ်ကို ကျွန်ုပ်တို့၏ ဆုတောင်းခြင်းဘဝအသက်တာကိုပြန်လည်ဆန်းစစ်ရအောင်၊ကျွန်ုပ်တို့၏ဆုတောင်းခြင်းဘဝအသက်တာသည်ဘုရားသခင်နှင့်အပေါ်ယံဆက်ဆံရေးလား၊ သို့မဟုတ်စစ်မှန်နက်ရှိုင်းသော ဆက်ဆံရေးလား။ အဖဘုရားရှင်ဖြစ်ကြောင်းသွန်သင်သည်။ ကျွန်ုပ်တို့လူသားမျိုးနွယ်သည်လူမျိုးဘာသာကွဲပြားသော်လည်းကျွန်ုပ်တို့အားလုံးသည်ဘုရားသခင်၏သားသမီးများဖြစ်သောကြောင့်တစ်ဦးနှင့်တစ်ဦး ကြင်နာပြီး၊ ချစ်ခြင်းမေတ္တာပြပြီးရှင်သန်ရမည်။ ဘယ်ကြောင့်ဆိုသော် ဘုရားသခင်သည် သူ၏သား သမီးများဖြစ်ကြသောကျွန်ုပ်တို့လူမျိုးမတူ ဘာသာမတူသော်ငြားလည်း တစ်ဦးနှင့်တစ်ဦး သဟဇတရှိပြီးငြိမ်းချမ်းစွာ ချစ်ကြည်ရင်းနှီးမှုနှင့်ဘဝကိုရှင်သန်ဖို့ ဘုရားသခင်လိုလားသည်။သဟဇာတရှိဖို့၊ ငြိမ်းချမ်းမှုရှိဖို့၊ ချစ်ကြည်ရင်းနှီးမှုရှိဖို့ကျွန်ုပ်တို့ဘဝတွင်အချင်းချင်းခွင့်လွှတ်ခြင်းပါရမီကို ကျွန်ုပ်တို့ဘဝအသက်တာတွင်ကျင့်ကြံဖို့လိုအပ်သည်။ချစ်ခင်လေးစားရသောဘာသာတူများကောင်းကင်ဘုံဆုတောင်းမေတ္တာကိုနေ့စဉ်အပေါ်ယံဘဲရွတ်ဆိုနေသလား သို့မဟုတ် စိတ်နှလုံးထဲတွင်သွန်းလျက် မိမိဘဝတွင်ကျင့်ကြံနေသလား။ဒါကိုယ်ကိုဆန်းစစ်ကြရအောင်။ အာမင်
