 for web4.jpg)
 for web3a.jpg)
2023-06-23 07:24:11
24.6.2023 –11th Week in Ordinary Time, Saturday
THE NATIVITY OF JOHN THE BAPTIST (ရှင်ယောဟန်ဗတ္တိစတာ၏ မွေးနေ့ပွဲ)
Luke 1: 57-66,80
Reflection & Posted by Sr. Benedetta Myat Hnin Nwe(ISR)
ဧလိဇဘက်သည်မွေးဖွားရန်နေ့လစေ့သောအခါသားယောက်ျား ကိုဖွားမြင်လေ၏။သခင်ဘုရားသည် ဧလိဇဘက်အားမိမိ၏ မဟာကရုဏာတော်ကိုပြတော်မူကြောင်းအိမ်နီးချင်းများနှင့်ဆွေမျိုးသားချင်းတို့ကြားကြသောအခါ သူမနှင့်အတူဝမ်းမြောက်ကြ၏။ထို့နောက် ရှစ်ရက်မြောက်သောနေ့၌ သူငယ်ကိုအရေဖျားလှီးခြင်းမင်္ဂလာပေးခြင်းငှာသူတို့သည်လာကြ၍ သူငယ်၏အမည်ကိုလည်း အဖ၏အမည်အတိုင်း ဇခါရိယဟုမှည့်ခေါ်မည်ပြုကြ၏။သို့သော်သူ၏မိခင်ကထိုသို့မဟုတ်ပါ။သူ့ကိုယောဟန်အမည်ဖြင့်မှည့်ခေါ်ရမည်ဟုဆို၏။သူတို့ကလည်း သင်၏ဆွေမျိုးတို့တွင် တစ်ယောက်မျှဤအမည်ဖြင့်မှည့်ခေါ်ထားခြင်းမရှိပါဟုသူမအားပြန်ပြောကြ၏။ထို့နောက်သူငယ်ကိုမည်ကဲ့သို့ မှည့်ခေါ်စေလိုကြောင်းဖခင်ဖြစ်သူအားကိုယ်လက်အမူအရာဖြင့်မေးမြန်းကြ၏။ထိုအခါဇခါရိယသည် သင်ပုန်းတစ်ချပ်ကိုတောင်းပြီးလျှင်သူငယ်၏အမည်ကား ယောဟန်ဖြစ်သည်ဟုရေးလေ၏။ထိုသူတို့လည်းအံ့ဩကြလေ၏။ထိုခဏချင်းတွင်ဇခါရိယ၏နှုတ်သည်ပွင့်၍သူ၏လျှာသည်လည်းအနှောင်အဖွဲ့မှကင်းလွတ်ကာသူသည်ဘုရားသခင်ကို ချီးမွမ်းထောမနာပြုလေ၏။သူတို့၏ အိမ်နီးချင်းတို့သည် လည်းကြောက်ရွံ့ ထိတ်လန့်ကြကုန်၏။ဤအကြောင်းအရာအလုံးစုံကိုဂျူဒေးယပြည်တောင်ကုန်းဒေသအနှံ့အပြားတွင်ပြောဆိုကြလေ၏။ကြားသိသောသူအပေါင်းတို့သည်လည်းထိုအဖြစ်အပျက်များ ကို နှလုံးသွင်းကြ၍ သို့ဖြစ်လျှင် ဤသူငယ်သည်ကား မည်ကဲ့သို့သောသူဖြစ်လာလိမ့်မည်နည်းဟုဆိုကြ ၏။ အကြောင်းမူကားဘုရားသခင်၏ လက်တော်သည် သူနှင့်အတူရှိတော်မူသောကြောင့်တည်း။သူငယ်ကားကြီးပြင်းလာ၍ဉာဏ်ပညာနှင့်ပြည့်စုံလေ၏။သူသည်အစ္စရာအဲလ်လူမျိုးထံသို့ ထင်ရှားစွာထွက်ပေါ်မလာမီတိုင်အောင်တောကန္တာရ၌ နေလေ၏။*ထောက်ရှုချက်*ကက်သလစ်သာသနာတော်သည် မွေးနေ့ပွဲသုံးပွဲကိုကျင်းပလေ့ရှိသည်။ကမ္ဘာပေါ်ရှိ ကြီးမားသောမွေးဖွားခြင်းထင်ရှားသုံးဦးရှိသည်။ ယေဇူးဖွားမြင်ခြင်း၊ယေဇူး၏မိခင်မယ်တော်မာရီးယားဖွားမြင်ခြင်းနှင့်ရှင်ယောဟန်ဗတ္တိစတာ၏ ဖွားမြင်ခြင်းဟူ၍ရှိသည်။မယ်တော်နှင့် ရှင်ယောဟန်တို့သည် အပြစ်မှကာကွယ်ခံရသည်ဟု ခရစ်တော်အားဖြင့်သိမြင်သည်။မယ်တော်သည်ဘုရားသခင်၏မိခင်ဖြစ်လိုသောကြောင့်အပြစ်၏စွန်းထင်းခြင်းမှကာကွယ်ပေးခဲ့သည်။မယ်တော်သည်ဧလိရှဗက်ထံအလည်လာစဉ် ရှင်ယောဟန်သည်အမိဝမ်းတွင်းကပင်အပြစ်ကင်းစင်ခဲ့သည်။ သူတို့သည် အပြစ်မရှိဘဲ မွေးဖွားလာသောကြောင့်ကျွန်ုပ်တို့သည်၎င်းတို့၏မွေးဖွားခြင်းကိုဂုဏ်ပြုကြသည်။ သူတို့သည် အသက်တာတစ်လျှောက် ဘုရားသခင်ကို အမြဲရွေးချယ်ခဲ့ကြသည်။ကျွန်ုပ်တို့၏ဗတ္တိဇံခံယူသည့်နေ့မှစ၍ ကျွန်ုပ်တို့၏အပြစ်များကို သန့်စင်ပေးပါသည်။ ရှင်ယောဟန်ဗတ္တိစတာသည် ခရစ်တော်၏ရှေ့တော်ပြေးသက်သေခံပြပေးသူဖြစ်သလိုကျွန်ုပ်တို့သည်လည်းရှင်သန်နေသောဘဝအသက်တာတွင်တနည်းတစ်လမ်းအားဖြင့် ခရစ်တော်သက်သေခံများဖြစ်ကြရန်ကြိုးစားရမည်။ရှင်ယောဟန်ဗတ္တိစတားသည်ခရစ်တော်အတွက် အမှန်တရားအတွက် သန့်ရှင်းသော အသေခံခြင်းဖြင့်သက်သေခံခဲ့သည်။ဘုရားသခင်အတွက်သက်သေခံရန်ကျွန်ုပ်တို့အားခေါ်ခြင်းခံရသည်။ကျွန်ုပ်တို့၏အသက်တာတစ်လျှောက် ဘုရားသခင်ကိုရွေးချယ်ရန်ကျွန်ုပ်တို့ကိုခေါ်ထားသည်။အမှန်တရားကို လက်ကိုင်ထားကာအပြစ်ကိုရှောင်ရှားပြီးခရစ်တော်ကိုသက်သေခံနိုင်ရန်ဘုရားရှင်ထံခွန်အားယူဆုတောင်းကြပါစို့။
