 for web4.jpg)
 for web3a.jpg)
2023-07-02 06:20:08
3.7.2023 – 13th Week in Ordinary Time, Monday
၁၃ ကြိမ်မြောက် သာမန်ကာလ၊ တနင်္လာနေ့ ၊ တမန်တော်ကြီး စိန့်သောမတ်စ်ပွဲနေ့
ဧဝံဂေလိကျမ်း ။ ။ ရှင်ယောဟန် ၂၀း ၂၄-၂၉
Reflection by Sr.Benedetta OP
Posted by Sr. Benedetta Myat Hnin Nwe(ISR)
ပထမကျမ်း။ ဧဖက် ၂၀ ၁၉ ၂၂
တစ်ဆယ့်နှစ်ပါးတွင်တစ်ပါးအပါအဝင်ဖြစ်သောဒီးဒီမုဟုခေါ်သည်။ ယေဇူးကြွလာတော်မူသောအချိန်တွင်သူတို့နှင့်အတူမရှိချေ။သို့ဖြစ်၍အခြားသောတပည့်တော်တို့ကအကျွန်ုပ်တို့သည် သခင်ဘုရားကိုဖူးမြင်ကြရသည်ဟုသူ့အားဆိုကြ၏။သို့သော် သောမတ်စ်ကကိုယ်တော်၏လက်တော်၌ သံရိုက်ရာကို အကျွန်ုပ်မမြင်ရလျှင်၊သံရိုက်ထဲသို့အကျွန်ုပ်၏လက်ညိုးကို မသွင်းရလျှင်၊ကိုယ်တော်၏နံဘေးတော်ကို အကျွန်ုပ်လက်ဖြင့်မစမ်းသပ်ရလျှင်အကျွန်ုပ်ယုံကြည်လိမ့်မည်မဟုတ်ဟု သူတို့အားဆိုလေ၏။ ရှစ်ရက်မြောက်သောနေ့၌တပည့်တော်တို့သည်အိမ်အတွင်း၌တစ်ဖန် ယေဇူးလည်းသူတို့နှင့်အတူရှိ၏။ တံခါးများပိတ်ထားလျှက်ရှိသော်လည်းယေဇူး သည်ကြွလာပြီးလျှင်အလယ်၌ရပ်တော်မူလျှက်သင်တို့၌ ငြိမ်းချမ်းသာယာခြင်းရှိစေဟုသူတို့အားမိန့်တော်၏။ထို့နောက်ကိုယ်တော်ကသောမတ်စ် သင်၏လက်ညိုးကိုဤနေရာ၌သွင်း၍ငါ၏လက်များကိုကြည့်လော့။သင်၏လက်ကိုလည်းဆန်း၍ ငါ၏နံဘေးကိုစမ်းသပ်လော့။ယုံမှားသံသယမဖြစ်လေနှင့်၊ယုံကြည်လော့ဟုမိန့်တော်မူ၏။သောမတ်စ်ကလည်းအကျွန်ုပ်၏သခင်၊ အကျွန်ုပ်၏ဘုရားပါတကားဟုကိုယ်တော်အားပြန်၍ လျှောက်လေ၏။ယေဇူးကလည်းသင်သည်ငါ့ကို မြင်ရသောကြောင့် ယုံကြည်သလော့။ မမြင်ရဘဲ ယုံကြည်သောသူတို့သည် မင်္ဂလာရှိကြ၏ဟုမိန့်တော်မူ၏။*ထောက်ရှုချက်*ယုံကြည်ခြင်းဆိုတာမျက်စိနဲ့မမြင်နိုင်တဲ့အရာကိုယုံကြည်ပြီးအဲဒီယုံကြည်ခြင်းဟာမိမိအတွက်တနေ့နေ့မှာကောင်းကင်နိုင်ငံတော်ရဲ့ဆုလာဘ်ကိုခံစားရစေမှာဖြစ်ပါတယ်။ဒီကနေ့ကျွန်ုပ်တို့ရဲ့အသင်းတော်ကြီးဟာတမန်တော်ကြီးတစ်ဆယ့်နှစ်ပါးထဲကတစ်ပါးဖြစ်တဲ့ သောမတ်စ် ရဲ့ပွဲနေ့ကိုကျင်းပကြပါတယ်။ တမန်တော်ကြီးသောမတ်စ်ဟာသူ့ရဲ့ဆရာသခင်ဖြစ်တဲ့ခရစ်တော်ကြွလာတဲ့အချိန်မှာသူသည်အခြားတမန်တော်တွေနဲ့အတူမရှိတဲ့အတွက်အခြားတမန်တော်တွေကငါတို့ဆရာသခင်ကိုဖူးမြင်တွေ့ရတယ်ပြောပေမဲ့သူသည် သခင်ခရစ်တော်ရဲ့ဒါဏ်ရာဒါဏ်ချက်ကိုသူ့လက်ညိုးနဲ့မထိရ၊သူ့မျက်စိနဲ့သူကိုယ်တိုင်မမြင်ရရင်မယုံဘူးလို့သူပြောခဲ့တယ်။ တခါတလေကျွန်ုပ်တို့ဘဝမှာလည်းသောမတ်စ်လိုဘဲယုံမှားသံသယရှိကောင်းရှိနိုင်တယ်။အထူးသဖြင့်ဒီလိုအခက်ခဲဆုံးအခြေအနေကြုံရတဲ့အချိန်၊ကျွန်ုပ်လိုချင်ဖြစ်ချင်တာမရလာတဲ့အချိန်မှာဆိုစိတ်ဓါတ်ကျတယ်၊။ဘုရားသခင်ပေါ်ယုံကြည် မှုလျော့နည်းလာတယ်။သို့သော်ဒီကနေ့ကျမ်စာထဲမှာဖတ်ရှုရတဲ့အတိုင်း မမြင်ပဲယုံကြည်သောသူတို့သည် မင်္ဂလာရှိကြ၏ဟုမိန်တော်မူ၏။ကျွန်ုပ်တို့အရှင်သခင်ဟာ သေခြင်းတရားကိုအောင်နိုင်ပြီးကျွန်ပ်တို့အတွက်ရှင်ပြန်ထမြောက်ခဲ့ပြီ။ဒါကြောင့်ကျွန်ုပ်တို့လည်းသခင်ခရစ်တော်ကြွလာတဲ့အချိန်သူတို့မြင်တွေ့နိုင်ရန်သောမတ်စ်ကဲ့သို့ အကျွန်ုပ်၏ ဘဝတွင်သခင်ခရစ်တော်ကို အစဉ်အမြဲသိမှတ်ဝန်ခံရင်း ခရစ်တော်ကိုတစ်ကမ္ဘာလုံးသိအောင်ဟောပြောသက်သေခံကြပါစို့။
