 for web4.jpg)
 for web3a.jpg)
2023-07-05 04:58:33
6.7.2023 – 13th Week in Ordinary Time, Thursday
၁၃ ကြိမ်မြောက် သာမန်ကာလ၊ ကြာသပတေးနေ့
ဧဝံဂေလိကျမ်း ။ ။ ရှင်မာတေးဦး ၉း၁-၈
Reflection by Sr. Mathilda OP
Posted by Sr. Benedetta Myat Hnin Nwe(ISR)
ကိုယ်တော်သည်လှေပေါ်သို့တက်တော်မူ၍ပင်လယ်ကိုဖြတ်ကူးပြီးနောက် မိမိ၏နေရင်းမြို့သို့ရောက်တော်မူ၏။ထိုအခါအိပ်ရာပေါ်တွင် လဲနေသည့်လေဖြတ်နေသောသူတစ်ဦးကို ကိုယ်တော်ထံသို့သယ်ဆောင်လာကြလေ၏။ ယေဇူးသည်လည်းထိုသူတို့၏ယုံကြည်ခြင်းကိုမြင်တော်မူလျှင် လေဖြတ်နေသောသူအား ငါ့သား၊အားမငယ်နှင့်၊သင်၏အပြစ်များကိုခွင့်လွှတ်ခြင်းခံရလေပြီဟုမိန့်တော်မူ၏။ထိုအခါကျမ်းတတ်ဆရာအချို့တို့ကဤသူသည် ဘုရားသခင်ကိုထိခိုက်၍ပြောဆိုသည်ဟုမိမိတို့စိတ်ထဲ၌ ဆိုကြ၏။သို့ရာတွင်ယေဇူးသည်ထိုသူတို့၏စိတ်ထဲမှအတွေးကိုသိမြင်တော်မူ၍သင်တို့သည်အဘယ်ကြောင့် စိတ်ထဲ၌အဆိုးမြင်ကြသနည်း။မည်သည့်စကားသည်ပြောရန်သာ၍လွယ်ကူသနည်း။သင်၏အပြစ်များခွင့်လွှတ်ခြင်းခံရပြီဟုဆိုခြင်းလော၊သို့ရာတွင် လူသားသည်လောကတွင်အပြစ်များကိုခွင့်လွှတ်ပိုင်ခွင့်ရှိကြောင်းသင်တို့သိမြင်စေရမည်ဟုဆိုပြီးမှလေဖြတ်နေသောသူအား ထလော့၊သင်၏အိပ်ရာကိုယူ၍ အိမ်သို့ပြန်လော့ဟုမိန့်တော်မူ၏။ထိုသူသည်လည်းထ၍မိမိ၏အိမ်သို့ပြန်သွားလေ၏။လူအစုအဝေးတို့သည်ထိုအခြင်းအရာကိုမြင်သောအခါထိတ်လန့်ကြ၍လူသားတို့အားဤသို့သောအခွင့်အာဏာကိုပေးတော်မူသည့်ဘုရားသခင်၏ဘုန်းဂုဏ်တော်ကိုချီးမွမ်းကြလေ၏။*ထောက်ရှုချက်*ယနေ့သခင်ခရစ်တော်က သူ့ရဲ့မွေးရပ်နယ်မြေဖြစ်တဲ့ နာဇရက်မြို့ကိုပြန်သွားတဲ့အခါမှာ လမ်းမလျှောက်နိုင်တဲ့လူနာတွေကိုသူတွေ့ရပြီးတဲ့နောက် သနားကြင်နာပြီးသူကုသပေးခဲ့တယ်။သင်၏အပြစ်အခွင့်လွှတ်ခြင်းခံရပြီလို့တောင် ပြောလိုက်သေးတယ်။အဲသလိုပြောပြီးတဲ့နောက်ထပြီးလှမ်းသွားလော့တဲ့။ကျွန်ုပ်တို့ဘဝအသက်တာမှာလည်းရုပ်ပိုင်းဆိုင်ရာမှာအားနည်းနေသလိုဝိညာဉ်ပိုင်းဆိုင်ရာမှာလည်း အဲ့လိုခြေသေနေတဲ့ရောဂါသည်ထက်ပိုဆိုးနေတဲ့အခြေအနေတွေမှာလည်းရှိကောင်းရှိနိုင်ပါတယ်။ဒါ့ကြောင့်နှစ်ဖြာသောကျန်းမာခြင်းရရှိဖို့နိမ့်ချခြင်းတရားနှင့်သခင်ခရစ်တော်ထံပါးချဉ်းကပ်ကြပါစို့။
