 for web4.jpg)
 for web3a.jpg)
2023-07-07 05:31:17
8.7.2023 – 13th Week in Ordinary Time, Saturday
၁၃ ကြိမ်မြောက် သာမန်ကာလ၊ စနေနေ့
ဧဝံဂေလိကျမ်း ။ ။ ရှင်မာသေးဦး ၉း၁၄-၁၇၊ Mt.9:14-17
Reflection by (Sr. Rose Mary Maw Myar) OP
Posted by Sr. Benedetta Myat Hnin Nwe(ISR)
ဒီနေ့သခင်ခရစ်တော်ကသူ့တပည့်တော်တွေ ဘာကြောင့်အစာမရှောင်ကြတာလဲဆိုပြီးမေးလျှောက်တဲ့ရှင်ယောဟန်ရဲ့တပည့်တော်တွေကို “မည်သူမျှ အဝတ်ဟောင်းကိုအဝတ်သစ်နှင့်ဖာထေးလေ့မရှိ။”လို့ပြန်လည်မိန့်တော်မူခဲ့ပါတယ်။အရာရာကိုကိုယ့်ဘောင်ထဲကပဲကြည့်မြင်မယ်ဆိုရင်အသစ်သောအရာတွေသင်ယူဖို့ခက်ခဲပါလိမ့်မယ်။အသစ်ကိုသင်ယူဖို့ အဟောင်းကိုမစွန့်ပစ်လို့မရပါဘူး။အသစ်သောနှလုံးသားနဲ့အသစ်သောစိန်ခေါ်မှု၊တွေးခေါ်မှုတွေကိုလက်ခံရမှာပါ။ခြိုးခြံဝါရှောင်ခြင်းနဲ့ပတ်သက်ပြီးတော့လည်းပြာခံဗုဒ္ဓဟူးနဲ့သောကြာနေ့ကြီးတွေမှာပဲလို့ထင်ကောင်းထင်ကြပါလိမ့်မယ်။အစာကိုရှောင်တာနဲ့ခြိုးခြံဝါရှောင်တာပြောနိုင်ပေမယ့်အမှန်တကယ်ကဘုရားကိုချစ်တဲ့စိတ်နဲ့ဘဝဟောင်းကိုပယ်ပြီးအသစ်သောနှလုံးသားနဲ့ရှင်သန်နေထိုင်တာပဲဖြစ်ပါတယ်။ခြိုးခြံဝါရှောင်ခြင်းနဲ့ပတ်သက်ပြီးပုပ်ဖရန်းစစ်အရှင်သူမြတ်က”တကိုယ်ကောင်းဆန်တတ်ခြင်းကနေခြိုးခြံပြီးတစ်ပါးသူကိုကြင်နာသနားတတ်ခြင်း၊စောဒကတက်တတ်ခြင်းကနေခြိုးခြံပြီးဘုရားကိုသာယုံကြည်အားကိုးတတ်ခြင်း၊အဆိုးမြင်တတ်ခြင်းကနေခြိုးခြံပြီး မျှော်လင့်ခြင်းနှင့်ပြည့်ဝခြင်း”စသည်ဖြင့်မိန့်ကြားခဲ့ပါတယ်။ဒါတွေဟာဒီနေ့ကျွန်ုပ်တို့အမှန်တကယ်ကျင့်ကြံရမယ့် ခြိုးခြံဝါရှောင်ခြင်းပါ။လူသားတွေရဲ့အပြစ်အားနည်းချက်ကြောင့် ဘုရားနဲ့ဝေးကွာကြရပေမယ့်အသစ်သောနှလုံးသားနဲ့ပြန်လာမယ်ဆိုရင်ကျွန်ုပ်တို့ရဲ့အပြစ်ဟောင်းတွေကိုခွင့်လွှတ်ဖို့ဘုရားသခင်ကဘယ်တော့မှဝန်လေးမှာမဟုတ်ပါဘူး။“စပျစ်ရည်သစ်ကို သားရေဘူးသစ်၌ထည့်သောအခါတွင်မူကားနှစ်မျိုးစလုံးမပျက်စီးပဲရှိလိမ့်မည်ဟု မိန့်တော်မူ၏။”
