 for web4.jpg)
 for web3a.jpg)
2023-07-17 06:18:45
18.7.2023 – 15th Tuesday in Ordinary Time.
ဇူလိုင်လ (၁၈) ရက် ၂၀၂၃, (၁၅) ကြိမ်မြောက်သာမန်အင်္ဂါနေ့ (A)
ပထမကျမ်း။ ။ ထွက်မြောက် ၂း ၁-၁၅
ဧဝံဂေလိကျမ်း။ ။ မာတေဦး ၁၁း ၂၀- ၂၄, Matthew 11: 210-24
Reflection by Rev. Fr. Paul Thu Reh, OP
Posted by Sr. Benedetta Myat Hnin Nwe(ISR)
ထောက်ရှုချက်ဒီကနေ့ဧဝံဂေလိကျမ်းစာတော်ထဲမှာသခင်ခရစ်တော်ဟာ သူ၏တန်ခိုးလက္ခဏာကိုလူတွေက မျက်မြင်တွေ့ခဲ့ရပေမယ့်ယုံကြည်ဖို့၊လက်ခံဖို့၊နောင်တရဖို့မရှိကြတဲ့ သူတွေကိုသခင်ယေဇူးက စိတ်ပျက်မိခဲ့တဲ့အကြောင်းကိုတွေ့ရပါတယ်။သခင်ယေဇူးက မြို့သုံးမြို့ကို အမင်္ဂလာရှိတဲ့မြို့တွေ၊ဘုရားရဲ့အပြစ်ပေးခြင်းကို ခံထိုက်တဲ့မြို့တွေဖြစ်တယ်လို့ကဲ့ရဲရှုတ်ချခဲ့ပါတယ်။အံ့ဖွယ်သောတန်ခိုးလက္ခဏာကို များစွာလုပ်ဆောင်ခဲ့ပေမယ့်ခိုရာဇင်မြို့၊ဘက်ဇိုင်းဒါမြို့၊ တီရာနှင့်စီဒွန်မြို့သူမြို့သားတွေက လက်မခံကြ၊မယုံကြည်ကြ၊ နောင်တလည်းမရကြပါဘူး။သခင်ခရစ်တော်၏ အံ့ဖွယ်သောတန်ခိုးလက္ခဏာပြသတာဟာဘုရားသခင်၏ လေးနက်တဲ့ချစ်ခြင်းမေတ္တာ၊မဟာကရုဏာတော်၊အမှန်တရားကို ပြသတာဖြစ်ပါတယ်။ခရစ်တော်ရဲ့သတင်းကောင်းကိုဝေမျှရာမှာသူတပါးကလက်ခံပြီး ပြောင်းလဲလို့ပျော်ရွှင်ရတဲ့အချိန်ရှိသလိုငြင်းပယ်လို့ ဝမ်းနည်းရတဲ့အချိန်တွေလည်းရှိတယ်။ ထိုအချိန်မှာသတိရရမှာက လက်ခံရင်ခရစ်တော်ကို လက်ခံခြင်းဖြစ်ပြီးတော့ငြင်းပယ်ရင်ခရစ်တော်ကို ငြင်းပယ်တာဖြစ်တယ်လို့ ဆိုတာပါပဲ။ခရစ်တော်ကိုငြင်းပယ်ခြင်းဟာ နောင်တယူဖို့ ငြင်းပယ်ခြင်းဖြစ်ပြီး၊ထာဝရအသက်ကို ငြင်းပယ်ခြင်းလည်းဖြစ်တယ်။ ဒီယနေ့ကျမ်းပိုဒ်ဟာ ဘုရားသခင်၏သတင်းစကားကို လေးနက်စွာလက်ခံယုံကြည်ပြီး နောင်တယူဖို့၊ပြောင်းလဲဖို့ အရေးကြီးကြောင်းကိုသွန်သင်ဆုံးမ သွားတာဖြစ်တယ်။နောင်တရခြင်းဆိုတာ မိမိဘဝကို လုံးလုံးလျား လျားဘုရားသခင်ထံသို့ ပြောင်းလဲအသက်ရှင်သန်တာဖြစ်တယ်။နောင်တရကြဖို့အားလုံးကို ခရစ်တော်ဖိတ်ခေါ်နေပါတယ်။ခရစ်တော်ရဲ့ဖိတ်ခေါ်သံကိုကြားပြီးနောင်တတရားဖြင့်ဘုရားသခင်ထံပြန်လာနိုင်ရန် ကြိုးစားကြပါစို့။
