 for web4.jpg)
 for web3a.jpg)
2024-01-09 22:21:04
11.1.2024 –Ordinary Time, Thursday of Week 1;- သာမန်ကာလ ပထမအပတ် ကြာသပတေးနေ့
ယနေ့ သမ္မာကျမ်းစာ၏ရပ်တည်ချက်
Mark 1: 40-45 ရှင်မာကု ၁း၄၀-၄၅
Gospel Reflection By Rev. Msgr. Basilio Soe Lin Aung, Taungngu Diocese
Posted by Sr. Benedetta Myat Hnin Nwe (ISR)
ယနေ့သမ္မာကျမ်းစာ၏ရပ်တည်ချက်"နူနာရောဂါ ကုသခြင်းအကြောင်း"ခရစ်တော်ဘုရားရှင်၏ကယ်တင်ခြင်းလမ်းစဉ်များသည် အလွန်တရာမှပင် ဆန်းကျယ်လှပါပေသည်။ယနေ့ အနူသည်တစ်ဦးကို ကုသလိုက်ပုံကားတခြားကုသမှုများနှင့်မတူတမူထူးခြားနေပြန်ပါသည်။ထိုသို့သမာရိုးကျကုထုံးများနှင့်မတူရခြင်း အကြောင်းမှာ•ထိုအချိန်၌အနူရောဂါသည် ကုစရာနတ္တိဆေးမရှိသောကူးစက် ရောဂါကြီးဖြစ်နေခြင်း။•ဝေဒနာရှင်များသည် တခြားသူများနှင့်အတူနေခွင့်မရှိဘဲ လူသူနှင့် ကင်းဝေးရာသို့ စွန့်ပစ်ခံရခြင်း။•လူသားတစ်ဦး၏ဂုဏ်သိက္ခာနှင့်အခွင့်အလမ်းများအားလုံးဆုံးရှုံးသွားခြင်း။•ကံဖေးမအကြောင်းလေးလှလို့ သဘာဝအလျှောက်ရောဂါပျောက်ကင်းခဲ့လျင်တောင်မှရဟန်းဆီကိုသွား မိမိကိုယ်ကိုပြကာရောဂါကင်းစင်ကြောင်းထောက်ခံချက်လက်မှတ် ရယူပြီးမှလူအများနှင့်ပြန်လည်နေထိုင်ခွင့်ရသည် ဟူ၏။ခရစ်တော်ဘုရားရှင်သည် ထိုဓမ္မသတ်များကိုလုံးဝပယ်ဖျက်ခြင်းမပြုသည့်အပြင်ပို၍ပင်ပြည့်စုံအောင်ဆောင်ရွက်ပေးပုံကား"အာပါတ်ဖြေခြင်းစက္ကရာမင်တူး"ကိုပင်တည်ထောင်ပေးလိုက်ခြင်းဖြစ်သည်။ တနည်းအားဖြင့်အပြစ်နှင့်အနူအနူနှင့်အပြစ်တူညီသော သဘောကို ဖော်ပြလိုက်ခြင်းပင်ဖြစ်သည်။အနူရောဂါကြောင့် လူ့ဘဝသေရသည်နည်း တူအပြစ်တွေကြောင့်နာမည်တစ်လုံးဘဝတစ်ခု သေကြရသည် မဟုတ်ပါလော။အပြစ်မှလွှတ်မြှောက်ခြင်းသက်သေခံလက်မှတ်ကိုရဟန်းများထံမှရယူနိုင်ပါမှကောင်းကင်နိုင်ငံတော်ရှိလူ့အသိုင်းအဝိုင်းထဲသို့ လုံခြုံစွာဝင်စားနိုင်မည်ဟူသောအချက်ကိုကက်သလစ်သာသနာတော်ကြီးက အကြွင်းမဲ့လက်ခံယုံကြည်ထားလေသည်။ထို့ကြောင့်အာပါတ်ဖြေခြင်းစက္ကရာမင်တူးသည်ကက်သလစ်ဘာသာဝင်များအတွက်လုံးဝတန်ဘိုးမဖြတ်နိုင်သောကယ်တင်ခြင်းလမ်းစဉ် တစ်ခုပင် ဖြစ်လေတော့သည်။မိတ်ဆွေသင်သည်ဝိညာဉ်ရေးအနူရောဂါကြီးမှအစဉ်ကင်းဝေးပါစေကွယ်။
